aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ruKHsat hua to aankh mila kar nahin gaya

Shahzad Ahmad

ruKHsat hua to aankh mila kar nahin gaya

Shahzad Ahmad

MORE BYShahzad Ahmad

    ruḳhsat huā to aañkh milā kar nahīñ gayā

    vo kyuuñ gayā hai ye bhī batā kar nahīñ gayā

    vo yuuñ gayā ki bād-e-sabā yaad aa ga.ī

    ehsās tak bhī ham ko dilā kar nahīñ gayā

    yuuñ lag rahā hai jaise abhī lauT aa.egā

    jaate hue charāġh bujhā kar nahīñ gayā

    bas ik lakīr khīñch gayā darmiyān meñ

    dīvār rāste meñ banā kar nahīñ gayā

    shāyad vo mil jaa.e magar justujū hai shart

    vo apne naqsh-e-pā to miTā kar nahīñ gayā

    ghar meñ hai aaj tak vahī ḳhushbū basī huī

    lagtā hai yuuñ ki jaise vo aa kar nahīñ gayā

    tab tak to phuul jaisī taaza thī us yaad

    jab tak vo pattiyoñ ko judā kar nahīñ gayā

    rahne diyā na us ne kisī kaam mujhe

    aur ḳhaak meñ bhī mujh ko milā kar nahīñ gayā

    vaisī be-talab hai abhī merī zindagī

    vo ḳhār-o-ḳhas meñ aag lagā kar nahīñ gayā

    'shahzād' ye gila rahā us zaat se

    jaate hue vo koī gila kar nahīñ gayā

    ruKHsat hua to aankh mila kar nahin gaya

    wo kyun gaya hai ye bhi bata kar nahin gaya

    wo yun gaya ki baad-e-saba yaad aa gai

    ehsas tak bhi hum ko dila kar nahin gaya

    yun lag raha hai jaise abhi lauT aaega

    jate hue charagh bujha kar nahin gaya

    bas ek lakir khinch gaya darmiyan mein

    diwar raste mein bana kar nahin gaya

    shayad wo mil hi jae magar justuju hai shart

    wo apne naqsh-e-pa to miTa kar nahin gaya

    ghar mein hai aaj tak wahi KHushbu basi hui

    lagta hai yun ki jaise wo aa kar nahin gaya

    tab tak to phul jaisi hi taza thi us ki yaad

    jab tak wo pattiyon ko juda kar nahin gaya

    rahne diya na us ne kisi kaam ka mujhe

    aur KHak mein bhi mujh ko mila kar nahin gaya

    waisi hi be-talab hai abhi meri zindagi

    wo KHar-o-KHas mein aag laga kar nahin gaya

    'shahzad' ye gila hi raha us ki zat se

    jate hue wo koi gila kar nahin gaya

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now