sadma to hai mujhe bhi ki tujhse juda hun main
sadma to hai mujhe bhī ki tujh se judā huuñ maiñ
lekin ye sochtā huuñ ki ab terā kyā huuñ maiñ
bikhrā paḌā hai tere hī ghar meñ tirā vajūd
bekār mahfiloñ meñ tujhe DhūñDtā huuñ maiñ
maiñ ḳhud-kushī ke jurm kā kartā huuñ e'tirāf
apne badan kī qabr meñ kab se gaḌā huuñ maiñ
kis kis kā naam lā.ūñ zabāñ par ki tere saath
har roz ek shaḳhs nayā dekhtā huuñ maiñ
kyā jaane kis adā se liyā tū ne merā naam
duniyā samajh rahī hai ki sach-much tirā huuñ maiñ
pahuñchā jo tere dar pe to mahsūs ye huā
lambī sī ek qatār meñ jaise khaḌā huuñ maiñ
le mere tajraboñ se sabaq ai mire raqīb
do-chār saal umr meñ tujh se baḌā huuñ maiñ
jaagā huā zamīr vo ā.īna hai 'qatīl'
sone se pahle roz jise dekhtā huuñ maiñ
sadma to hai mujhe bhi ki tujh se juda hun main
lekin ye sochta hun ki ab tera kya hun main
bikhra paDa hai tere hi ghar mein tera wajud
bekar mahfilon mein tujhe DhunDta hun main
main KHud-kushi ke jurm ka karta hun e'tiraf
apne badan ki qabr mein kab se gaDa hun main
kis kis ka nam laun zaban par ki tere sath
har roz ek shaKHs naya dekhta hun main
kya jaane kis ada se liya tu ne mera nam
duniya samajh rahi hai ki sach-much tera hun main
pahuncha jo tere dar pe to mahsus ye hua
lambi si ek qatar mein jaise khaDa hun main
le mere tajrabon se sabaq ai mere raqib
do-chaar sal umr mein tujh se baDa hun main
jaga hua zamir wo aaina hai 'qatil'
sone se pahle roz jise dekhta hun main
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
