safar ke baad bhi mujhko safar mein rahna hai
safar ke ba.ad bhī mujh ko safar meñ rahnā hai
nazar se girnā bhī goyā ḳhabar meñ rahnā hai
abhī se os ko kirnoñ se pī rahe ho tum
tumheñ to ḳhvāb sā āñkhoñ ke ghar meñ rahnā hai
havā to aap kī qismat meñ honā likkhā thā
magar maiñ aag huuñ mujh ko shajar meñ rahnā hai
nikal ke ḳhud se jo ḳhud hī meñ Duub jaatā hai
maiñ vo safīna huuñ jis ko bhañvar meñ rahnā hai
tumhāre ba.ad koī rāsta nahīñ miltā
to tai huā ki udāsī ke ghar meñ rahnā hai
jalā ke kaun mujhe ab chale kisī kī taraf
bujhe diye ko to 'ādil' khañDar meñ rahnā hai
safar ke baad bhi mujh ko safar mein rahna hai
nazar se girna bhi goya KHabar mein rahna hai
abhi se os ko kirnon se pi rahe ho tum
tumhein to KHwab sa aankhon ke ghar mein rahna hai
hawa to aap ki qismat mein hona likkha tha
magar main aag hun mujh ko shajar mein rahna hai
nikal ke KHud se jo KHud hi mein Dub jata hai
main wo safina hun jis ko bhanwar mein rahna hai
tumhaare baad koi rasta nahin milta
to tai hua ki udasi ke ghar mein rahna hai
jala ke kaun mujhe ab chale kisi ki taraf
bujhe diye ko to 'adil' khanDar mein rahna hai
- Book : Sarsabz (Pg. 67)
- Author : Krishan Kumar Toor
- Publication : Sarsabz Dharamshala (April to September 2013)
- Edition : April to September 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
