sar-e-taslim hai KHam izn-e-uqubat ke baghair
sar-e-taslīm hai ḳham izn-e-uqūbat ke baġhair
ham to sarkār ke maddāh haiñ ḳhil.at ke baġhair
sar-barahna huuñ to kyā ġham hai ki ab shahr meñ log
barguzīda hue dastār-e-fazīlat ke baġhair
dekh tanhā mirī āvāz kahāñ tak pahuñchī
kyā safar tai nahīñ hote haiñ rifāqat ke baġhair
ishq meñ 'mīr' ke ādāb na barto ki yahāñ
kaam chaltā nahīñ ailān-e-mohabbat ke baġhair
ret par thak ke girā huuñ to havā pūchhtī hai
aap is dasht meñ kyuuñ aa.e the vahshat ke baġhair
sar-e-taslim hai KHam izn-e-uqubat ke baghair
hum to sarkar ke maddah hain KHilat ke baghair
sar-barahna hun to kya gham hai ki ab shahr mein log
barguzida hue dastar-e-fazilat ke baghair
dekh tanha meri aawaz kahan tak pahunchi
kya safar tai nahin hote hain rifaqat ke baghair
ishq mein 'mir' ke aadab na barto ki yahan
kaam chalta nahin ailan-e-mohabbat ke baghair
ret par thak ke gira hun to hawa puchhti hai
aap is dasht mein kyun aae the wahshat ke baghair
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
