gham-e-jahan ko sharmsar karne wale kya hue
ġham-e-jahāñ ko sharmsār karne vaale kyā hue
vo saarī umr intizār karne vaale kyā hue
baham hue baġhair jo guzar ga.iiñ vo sā.ateñ
vo ek ek pal shumār karne vaale kyā hue
duā-e-nīm-shab kī rasm kaise ḳhatm ho ga.ii!
vo harf-e-jāñ pe e'tibār karne vaale kyā hue
kahāñ haiñ vo jo dasht-e-ārzū meñ ḳhaak ho ga.e
vo lamha-e-abad shikār karne vaale kyā hue
talab ke sāhiloñ pe jaltī kashtiyāñ batā.eñgī
shanāvarī pe e'tibār karne vaale kyā hue
gham-e-jahan ko sharmsar karne wale kya hue
wo sari umr intizar karne wale kya hue
baham hue baghair jo guzar gain wo saaten
wo ek ek pal shumar karne wale kya hue
dua-e-nim-shab ki rasm kaise KHatm ho gai!
wo harf-e-jaan pe e'tibar karne wale kya hue
kahan hain wo jo dasht-e-arzu mein KHak ho gae
wo lamha-e-abad shikar karne wale kya hue
talab ke sahilon pe jalti kashtiyan bataengi
shanawari pe e'tibar karne wale kya hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
