gungon ko zaban kis ne di hai

gūñgoñ ko zabān kis ne dī hai

āḳhir ye azaan kis ne dī hai

rakkhā hai ravā ye zulm kis ne

zālim ko amaan kis ne dī hai

phūloñ ko asiir kis ne rakkhā

ḳhushiyoñ ko uḌaan kis ne dī hai

manshūr-e-havā likhā hai kis ne

miTTī ko uThān kis ne dī hai

is dasht meñ jiit kis kī Thahrī

is jañg meñ jaan kis ne dī hai

maqrūz huī haiñ merī āñkheñ

ḳhvāboñ ko takān kis ne dī hai

gungon ko zaban kis ne di hai

aaKHir ye azan kis ne di hai

rakkha hai rawa ye zulm kis ne

zalim ko aman kis ne di hai

phulon ko asir kis ne rakkha

KHushiyon ko uDan kis ne di hai

manshur-e-hawa likha hai kis ne

miTTi ko uThan kis ne di hai

is dasht mein jit kis ki Thahri

is jang mein jaan kis ne di hai

maqruz hui hain meri aankhen

KHwabon ko takan kis ne di hai