sham ke baad sitaron ko sambhalne na diya
shaam ke ba.ad sitāroñ ko sambhalne na diyā
raat ko rok liyā chāñd ko Dhalne na diyā
mauj-e-bātin kabhī auqāt se bāhar na ga.ī
had ke andar bhī kisī shai ko machalne na diyā
aag to chāroñ hī jānib thī par achchhā ye hai
hosh-mandī se kisī chiiz ko jalne na diyā
ab ke muḳhtār ne muhtāj kī dīvār kā qad
jitnā ma.amūl hai utnā bhī nikalne na diyā
jin buzurgoñ kī virāsat ke amiiñ haiñ ham log
un kī qabroñ ne kabhī shahr badalne na diyā
sham ke baad sitaron ko sambhalne na diya
raat ko rok liya chand ko Dhalne na diya
mauj-e-baatin kabhi auqat se bahar na gai
had ke andar bhi kisi shai ko machalne na diya
aag to chaaron hi jaanib thi par achchha ye hai
hosh-mandi se kisi chiz ko jalne na diya
ab ke muKHtar ne muhtaj ki diwar ka qad
jitna mamul hai utna bhi nikalne na diya
jin buzurgon ki wirasat ke amin hain hum log
un ki qabron ne kabhi shahr badalne na diya
- Book : Chandi Ka waraq (Pg. 28)
- Author : Ahmad Kamal Parvazi
- Publication : Surkhwab Publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
