albeli kaamni ki nashili ghaDi hai sham

albelī kāmnī ki nashīlī ghaḌī hai shaam

sar mastiyoñ kī sej pe nañgī paḌī hai shaam

bekal kiye hai rain ke rasiyā kā intizār

ġhamgīñ hai husn-e-shoḳh ki hairāñ khaḌī hai shaam

chamkā diyā hai is ke sharāroñ ne fikr ko

ehsās-e-ishq-o-husn kī ik phuljaḌī hai shaam

tābāñ hai terā chehra ki hai jalva-e-sahar

raḳhshāñ hai terī maañg ki tāroñ jaḌī hai shaam

rūThe hue diloñ ko bhī is ne manā liyā

man-mohnī hai kāmnī chanchal baḌī hai shaam

jaane kab aa.e aaj sā hañgām-e-dil-navāz

yaaro uThāo jaam ghaḌī do ghaḌī hai shaam

albeli kaamni ki nashili ghaDi hai sham

sar mastiyon ki sej pe nangi paDi hai sham

bekal kiye hai rain ke rasiya ka intizar

ghamgin hai husn-e-shoKH ki hairan khaDi hai sham

chamka diya hai is ke shararon ne fikr ko

ehsas-e-ishq-o-husn ki ek phuljaDi hai sham

taban hai tera chehra ki hai jalwa-e-sahar

raKHshan hai teri mang ki taron jaDi hai sham

ruThe hue dilon ko bhi is ne mana liya

man-mohni hai kaamni chanchal baDi hai sham

jaane kab aae aaj sa hangam-e-dil-nawaz

yaro uThao jam ghaDi do ghaDi hai sham