ujaD ujaD ke sanwarti hai tere hijr ki sham
ujaḌ ujaḌ ke sañvartī hai tere hijr kī shaam
na pūchh kaise guzartī hai tere hijr kī shaam
ye barg barg udāsī bikhar rahī hai mirī
ki shāḳh shāḳh utartī hai tere hijr kī shaam
ujaaḌ ghar meñ koī chāñd kab utartā hai
savāl mujh se ye kartī hai tere hijr kī shaam
mire safar meñ ik aisā bhī moḌ aatā hai
jab apne aap se Dartī hai tere hijr kī shaam
bahut aziiz haiñ dil ko ye zaḳhm zaḳhm ruteñ
inhī rutoñ meñ nikhartī hai tere hijr kī shaam
ye merā dil ye sarāsar nigār-ḳhāna-e-ġham
sadā isī meñ utartī hai tere hijr kī shaam
jahāñ jahāñ bhī mileñ terī qurbatoñ ke nishāñ
vahāñ vahāñ se ubhartī hai tere hijr kī shaam
ye hādisa tujhe shāyad udaas kar degā
ki mere saath hī martī hai tere hijr kī shaam
ujaD ujaD ke sanwarti hai tere hijr ki sham
na puchh kaise guzarti hai tere hijr ki sham
ye barg barg udasi bikhar rahi hai meri
ki shaKH shaKH utarti hai tere hijr ki sham
ujaD ghar mein koi chand kab utarta hai
sawal mujh se ye karti hai tere hijr ki sham
mere safar mein ek aisa bhi moD aata hai
jab apne aap se Darti hai tere hijr ki sham
bahut aziz hain dil ko ye zaKHm zaKHm ruten
inhi ruton mein nikharti hai tere hijr ki sham
ye mera dil ye sarasar nigar-KHana-e-gham
sada isi mein utarti hai tere hijr ki sham
jahan jahan bhi milen teri qurbaton ke nishan
wahan wahan se ubharti hai tere hijr ki sham
ye hadisa tujhe shayad udas kar dega
ki mere sath hi marti hai tere hijr ki sham
- Book : Kulliyat-e-mohsin (Pg. 263)
- Author : Mohsin Naqvi
- Publication : Mavra Publishers (2010)
- Edition : 2010
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
