shab-e-firaq hai aur nind aai jati hai

shab-e-firāq hai aur niind aa.ī jaatī hai

kuchh is meñ un kī tavajjoh bhī paa.ī jaatī hai

ye umr-e-ishq yūñhī kyā gañvā.ī jaatī hai

hayāt zinda haqīqat banā.ī jaatī hai

banā banā ke jo duniyā miTā.ī jaatī hai

zarūr koī kamī hai ki paa.ī jaatī hai

hamīñ pe ishq kī tohmat lagā.ī jaatī hai

magar ye sharm jo chehre pe chhā.ī jaatī hai

ḳhudā kare ki haqīqat meñ zindagī ban jaa.e

vo zindagī jo zabāñ tak hī paa.ī jaatī hai

gunāhgār ke dil se na bach ke chal zāhid

yahīñ kahīñ tirī jannat bhī paa.ī jaatī hai

na soz-e-ishq na barq-e-jamāl par ilzām

diloñ meñ aag ḳhushī se lagā.ī jaatī hai

kuchh aise bhī to haiñ rindān-e-pāk-bāz 'jigar'

ki jin ko be-mai-o-sāġhar pilā.ī jaatī hai

shab-e-firaq hai aur nind aai jati hai

kuchh is mein un ki tawajjoh bhi pai jati hai

ye umr-e-ishq yunhi kya ganwai jati hai

hayat zinda haqiqat banai jati hai

bana bana ke jo duniya miTai jati hai

zarur koi kami hai ki pai jati hai

hamin pe ishq ki tohmat lagai jati hai

magar ye sharm jo chehre pe chhai jati hai

KHuda kare ki haqiqat mein zindagi ban jae

wo zindagi jo zaban tak hi pai jati hai

gunahgar ke dil se na bach ke chal zahid

yahin kahin teri jannat bhi pai jati hai

na soz-e-ishq na barq-e-jamal par ilzam

dilon mein aag KHushi se lagai jati hai

kuchh aise bhi to hain rindan-e-pak-baz 'jigar'

ki jin ko be-mai-o-saghar pilai jati hai