aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shab-e-wasl thi chandni ka saman tha

Haidar Ali Aatish

shab-e-wasl thi chandni ka saman tha

Haidar Ali Aatish

MORE BYHaidar Ali Aatish

    shab-e-vasl thī chāñdnī samāñ thā

    baġhal meñ sanam thā ḳhudā mehrbāñ thā

    mubārak shab-e-qadr se bhī vo shab thī

    sahar tak mah o mushtarī qirāñ thā

    vo shab thī ki thī raushnī jis meñ din

    zamīñ par se ik nuur āsmāñ thā

    nikāle the do chāñd us ne muqābil

    vo shab sub.h-e-jannat jis par gumāñ thā

    urūsī shab halāvat thī hāsil

    farah-nāk thī ruuh dil shādmāñ thā

    mushāhid jamāl-e-parī thī āñkheñ

    makān-e-visāl ik tilismī makāñ thā

    huzūrī nigāhoñ ko dīdār se thī

    khulā thā vo parda ki jo darmiyāñ thā

    kiyā thā use bosa-bāzī ne paidā

    kamar tarah se jo ġhā.eb dahāñ thā

    haqīqat dikhātā thā ishq-e-majāzī

    nihāñ jis ko samjhe hue the ayaañ thā

    bayāñ ḳhvāb tarah jo kar rahā hai

    ye qissa hai jab ki 'ātish' javāñ thā

    shab-e-wasl thi chandni ka saman tha

    baghal mein sanam tha KHuda mehrban tha

    mubarak shab-e-qadr se bhi wo shab thi

    sahar tak mah o mushtari ka qiran tha

    wo shab thi ki thi raushni jis mein din ki

    zamin par se ek nur ta aasman tha

    nikale the do chand us ne muqabil

    wo shab subh-e-jannat ka jis par guman tha

    urusi ki shab ki halawat thi hasil

    farah-nak thi ruh dil shadman tha

    mushahid jamal-e-pari ki thi aankhen

    makan-e-visal ek tilismi makan tha

    huzuri nigahon ko didar se thi

    khula tha wo parda ki jo darmiyan tha

    kiya tha use bosa-bazi ne paida

    kamar ki tarah se jo ghaeb dahan tha

    haqiqat dikhata tha ishq-e-majazi

    nihan jis ko samjhe hue the ayan tha

    bayan KHwab ki tarah jo kar raha hai

    ye qissa hai jab ka ki 'atish' jawan tha

    RECITATIONS

    Fasih Akmal

    Fasih Akmal,

    Fasih Akmal

    shab-e-wasl thi chandni ka saman tha Fasih Akmal

    Source:

    Rekhta Ke Atish (Pg. 21)

    • Author: Khwaja Haider Ali Aatish
      • Edition: First
      • Publisher: Rekhta Publications

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now