shab-e-visal lagaya jo un ko sine se
shab-e-visāl lagāyā jo un ko siine se
to hañs ke bole alag baiThiye qarīne se
savāb ho ki na ho is se kyā ġharaz zāhid
maza milā mujhe tujh ko pilā ke piine se
shab-e-firāq ye ehsān hai tasavvur kā
ki so rahā huuñ lagā kar kisī ko siine se
falak miTā.egā mujh ko jo tum mukaddar ho
adāvat us kī baḌhegī tumhāre kiine se
ġham-e-firāq meñ kyā lutf-e-zindagī hai 'hafīz'
hameñ to maut hī behtar hai aise jiine se
shab-e-visal lagaya jo un ko sine se
to hans ke bole alag baiThiye qarine se
sawab ho ki na ho is se kya gharaz zahid
maza mila mujhe tujh ko pila ke pine se
shab-e-firaq ye ehsan hai tasawwur ka
ki so raha hun laga kar kisi ko sine se
falak miTaega mujh ko jo tum mukaddar ho
adawat us ki baDhegi tumhaare kine se
gham-e-firaq mein kya lutf-e-zindagi hai 'hafiz'
hamein to maut hi behtar hai aise jine se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
