shahr ka shahr hua jaan ka pyasa kaisa

shahr kā shahr huā jaan kā pyāsā kaisā

saañs letā hai mire sāmne sahrā kaisā

mire ehsās meñ ye aag bharī hai kis ne

raqs kartā hai mirī ruuh meñ shola kaisā

terī parchhā.īñ huuñ nādān judā.ī kaisī

merī āñkhoñ meñ phirā ḳhauf kā saaya kaisā

apnī āñkhoñ pe tujhe itnā bharosā kyuuñ hai

tere bīmār chale tū hai masīhā kaisā

ye nahīñ yaad ki pahchān hamārī kyā hai

ik tamāshe ke liye svāñg rachāyā kaisā

mat phirī thī ki harīfāna chale duniyā se

sochte ḳhaak ki mavvāj hai dariyā kaisā

sub.h tak raat kī zanjīr pighal jā.egī

log pāgal haiñ sitāroñ se ulajhnā kaisā

dil hī ayyār hai be-vaj.h dhaḌak uThtā hai

varna afsurda havāoñ meñ bulāvā kaisā

aaj ḳhāmosh haiñ hañgāma uThāne vaale

ham nahīñ haiñ to karāchī huā tanhā kaisā

shahr ka shahr hua jaan ka pyasa kaisa

sans leta hai mere samne sahra kaisa

mere ehsas mein ye aag bhari hai kis ne

raqs karta hai meri ruh mein shola kaisa

teri parchhain hun nadan judai kaisi

meri aankhon mein phira KHauf ka saya kaisa

apni aankhon pe tujhe itna bharosa kyun hai

tere bimar chale tu hai masiha kaisa

ye nahin yaad ki pahchan hamari kya hai

ek tamashe ke liye swang rachaya kaisa

mat phiri thi ki harifana chale duniya se

sochte KHak ki mawwaj hai dariya kaisa

subh tak raat ki zanjir pighal jaegi

log pagal hain sitaron se ulajhna kaisa

dil hi ayyar hai be-wajh dhaDak uThta hai

warna afsurda hawaon mein bulawa kaisa

aaj KHamosh hain hangama uThane wale

hum nahin hain to karachi hua tanha kaisa