hum hain mata-e-kucha-o-bazar ki tarah
Interesting Fact
Film: Dastak 1970
ham haiñ mata-e-kūcha-o-bāzār kī tarah
uThtī hai har nigāh ḳharīdār kī tarah
is kū-e-tishnagī meñ bahut hai ki ek jaam
haath aa gayā hai daulat-e-bedār kī tarah
vo to kahīñ hai aur magar dil ke ās-pās
phirtī hai koī shai nigah-e-yār kī tarah
sīdhī hai rāh-e-shauq pe yūñhī kahīñ kahīñ
ḳham ho ga.ī hai gesū-e-dildār kī tarah
be-tesha-e-nazar na chalo rāh-e-raftagāñ
har naqsh-e-pā buland hai dīvār kī tarah
ab jā ke kuchh khulā hunar-e-nāḳhun-e-junūñ
zaḳhm-e-jigar hue lab-o-ruḳhsār kī tarah
'majrūh' likh rahe haiñ vo ahl-e-vafā kā naam
ham bhī khaḌe hue haiñ gunahgār kī tarah
hum hain mata-e-kucha-o-bazar ki tarah
uThti hai har nigah KHaridar ki tarah
is ku-e-tishnagi mein bahut hai ki ek jam
hath aa gaya hai daulat-e-bedar ki tarah
wo to kahin hai aur magar dil ke aas-pas
phirti hai koi shai nigah-e-yar ki tarah
sidhi hai rah-e-shauq pe yunhi kahin kahin
KHam ho gai hai gesu-e-dildar ki tarah
be-tesha-e-nazar na chalo rah-e-raftagan
har naqsh-e-pa buland hai diwar ki tarah
ab ja ke kuchh khula hunar-e-naKHun-e-junun
zaKHm-e-jigar hue lab-o-ruKHsar ki tarah
'majruh' likh rahe hain wo ahl-e-wafa ka nam
hum bhi khaDe hue hain gunahgar ki tarah
RECITATIONS
Majrooh Sultanpuri,
Shakeel Jamali,
Nomaan Shauque,
Majrooh Sultanpuri,
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
