aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mai ho saghar mein ki KHun raat guzar jaegi

Syed Aabid Ali Aabid

mai ho saghar mein ki KHun raat guzar jaegi

Syed Aabid Ali Aabid

MORE BYSyed Aabid Ali Aabid

    mai ho sāġhar meñ ki ḳhuuñ raat guzar jā.egī

    dil ko ġham ho ki sukūñ raat guzar jā.egī

    dekhnā ye hai ki andāz-e-sahar kyā hoñge

    yuuñ to arbāb-e-junūñ raat guzar jā.egī

    na rukā hai na ruke qāfila-e-lail-o-nahār

    raat kam ho ki fuzūñ raat guzar jā.egī

    maiñ tirā mahram-e-asrār huuñ ai sub.h-e-bahār

    ke phūloñ se kahūñ raat guzar jā.egī

    muzhda-e-sub.h mubārak tumheñ ai dīda-varo

    maiñ jiyūñ na jiyūñ raat guzar jā.egī

    raat bhar maiñ ne sajā.e sar-e-mizhgāñ taare

    mujh ko thā vahm ki yuuñ raat guzar jā.egī

    sub.h uTh kar tujhe rah-rau se lipaTnā hogā

    rahbar-e-tīra-darūñ raat guzar jā.egī

    mai ho saghar mein ki KHun raat guzar jaegi

    dil ko gham ho ki sukun raat guzar jaegi

    dekhna ye hai ki andaz-e-sahar kya honge

    yun to arbab-e-junun raat guzar jaegi

    na ruka hai na ruke qafila-e-lail-o-nahaar

    raat kam ho ki fuzun raat guzar jaegi

    main tera mahram-e-asrar hun ai subh-e-bahaar

    ja ke phulon se kahun raat guzar jaegi

    muzhda-e-subh mubarak tumhein ai dida-waro

    main jiyun ya na jiyun raat guzar jaegi

    raat bhar main ne sajae sar-e-mizhgan tare

    mujh ko tha wahm ki yun raat guzar jaegi

    subh uTh kar tujhe rah-rau se lipaTna hoga

    rahbar-e-tira-darun raat guzar jaegi

    Source:

    Beesveen Sadi Ki Behtareen Ishqiya Ghazlen (Pg. 150)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now