صبح دم بھی یوں فسردہ ہو گیا
صبح دم بھی یوں فسردہ ہو گیا
اے دل نازک تجھے کیا ہو گیا
سینۂ بربط سے جو شعلہ اٹھا
غم زدوں کے دل کا نغمہ ہو گیا
شکریہ اے گردش جام شراب
میں بھری محفل میں تنہا ہو گیا
رات دل کو تھا سحر کا انتظار
اب یہ غم ہے کیوں سویرا ہو گیا
پوچھئے اس سے غم ساز خلوص
چار ہی دن میں جو رسوا ہو گیا
بجھ گئی کچھ اس طرح شمع سلامؔ
جیسے اک بیمار اچھا ہو گیا
مأخذ :
- کتاب : Intekhab-e-Kalam Salam Machhli Shahri (Pg. 127)
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
