suKHan mein rang tumhaare KHayal hi ke to hain

suḳhan meñ rang tumhāre ḳhayāl hī ke to haiñ

ye sab karishme havā-e-visāl hī ke to haiñ

kahā thā tum ne ki laatā hai kaun ishq kī taab

so ham javāb tumhāre savāl hī ke to haiñ

zarā sī baat hai dil meñ agar bayāñ ho jaa.e

tamām mas.ale iz.hār-e-hāl hī ke to haiñ

yahāñ bhī us ke sivā aur kyā nasīb hameñ

ḳhutan meñ rah ke bhī chashm-e-ġhazāl hī ke to haiñ

jasārat-e-suḳhan-e-shā.irāñ se Darnā kiyā

ġharīb mashġhala-e-qīl-o-qāl hī ke to haiñ

havā kī zad pe hamārā safar hai kitnī der

charāġh ham kisī shām-e-zavāl hī ke to haiñ

suKHan mein rang tumhaare KHayal hi ke to hain

ye sab karishme hawa-e-visal hi ke to hain

kaha tha tum ne ki lata hai kaun ishq ki tab

so hum jawab tumhaare sawal hi ke to hain

zara si baat hai dil mein agar bayan ho jae

tamam masale izhaar-e-haal hi ke to hain

yahan bhi us ke siwa aur kya nasib hamein

KHutan mein rah ke bhi chashm-e-ghazal hi ke to hain

jasarat-e-suKHan-e-shairan se Darna kiya

gharib mashghala-e-qil-o-qal hi ke to hain

hawa ki zad pe hamara safar hai kitni der

charagh hum kisi sham-e-zawal hi ke to hain