suna hai kuch to un ka par isko kya kahiye

sunā hai kuuch to un kā par is ko kyā kahiye

zabān-e-ḳhalq ko naqqāra-e-ḳhudā kahiye

misī lagā ke siyāhī se kyuuñ Darāte ho

añdherī rātoñ kā ham se to mājrā kahiye

hazār rāteñ bhī guzrīñ yahī kahānī ho

tamām kījiye is ko na kuchh sivā kahiye

huā hai ishq meñ ḳhāsān-e-haq kā rañg safed

ye qatl-e-ām nahīñ shoḳhi-e-hinā kahiye

turāb-e-pā-e-hasīnān-e-lakhna.ū hai ye

ye ḳhāksār hai 'aḳhtar' ko naqsh-e-pā kahiye

suna hai kuch to un ka par is ko kya kahiye

zaban-e-KHalq ko naqqara-e-KHuda kahiye

misi laga ke siyahi se kyun Daraate ho

andheri raaton ka hum se to majra kahiye

hazar raaten bhi guzrin yahi kahani ho

tamam kijiye is ko na kuchh siwa kahiye

hua hai ishq mein KHasan-e-haq ka rang safed

ye qatl-e-am nahin shoKHi-e-hina kahiye

turab-e-pa-e-hasinan-e-lakhnau hai ye

ye KHaksar hai 'aKHtar' ko naqsh-e-pa kahiye