sune siyah shahr pe manzar-pazir main

suune siyāh shahr pe manzar-pazīr maiñ

āñkheñ qalīl hotī huī aur kasīr maiñ

masjid kī sīḌhiyoñ pe gadāgar ḳhudā kā naam

masjid ke bām-o-dar pe amiir o kabīr maiñ

dar-asl is jahāñ ko zarūrat nahīñ mirī

har-chand is jahāñ ke liye nā-guzīr maiñ

maiñ bhī yahāñ huuñ is kī shahādat meñ kis ko lā.ūñ

mushkil ye hai ki aap huuñ apnī nazīr maiñ

mujh tak hai mere dukh ke tasavvuf kā silsila

ik zaḳhm maiñ murīd to ik zaḳhm piir maiñ

har zaḳhm qāfile kī guzargāh merā dil

rū-e-zamīñ pe ek lahū kī lakīr maiñ

sune siyah shahr pe manzar-pazir main

aankhen qalil hoti hui aur kasir main

masjid ki siDhiyon pe gadagar KHuda ka nam

masjid ke baam-o-dar pe amir o kabir main

dar-asl is jahan ko zarurat nahin meri

har-chand is jahan ke liye na-guzir main

main bhi yahan hun is ki shahadat mein kis ko laun

mushkil ye hai ki aap hun apni nazir main

mujh tak hai mere dukh ke tasawwuf ka silsila

ek zaKHm main murid to ek zaKHm pir main

har zaKHm qafile ki guzargah mera dil

ru-e-zamin pe ek lahu ki lakir main