tar-e-shabnam ki tarah surat-e-KHas TuTti hai
tār-e-shabnam kī tarah sūrat-e-ḳhas TūTtī hai
aas bañdhne nahīñ paatī hai ki bas TūTtī hai
ārzūoñ kā hujūm aur ye Dhaltī huī umr
saañs ukhaḌtī hai na zanjīr-e-havas TūTtī hai
gard itnī ki sujhā.ī nahīñ detā kuchh bhī
shor itnā hai ki āvāz-e-jaras TūTtī hai
munhadim hotā chalā jaatā hai dil sāl-ba-sāl
aisā lagtā hai girah ab ke baras TūTtī hai
bū-e-gul aa.e na aa.e magar ushshāq ke biich
itnī vahshat hai ki dīvār-e-qafas TūTtī hai
zikr asmā-e-ilāhī kā hai faizān ki ab
dam ulajhtā hai na tasbīh-e-nafas TūTtī hai
tar-e-shabnam ki tarah surat-e-KHas TuTti hai
aas bandhne nahin pati hai ki bas TuTti hai
aarzuon ka hujum aur ye Dhalti hui umr
sans ukhaDti hai na zanjir-e-hawas TuTti hai
gard itni ki sujhai nahin deta kuchh bhi
shor itna hai ki aawaz-e-jaras TuTti hai
munhadim hota chala jata hai dil sal-ba-sal
aisa lagta hai girah ab ke baras TuTti hai
bu-e-gul aae na aae magar ushshaq ke bich
itni wahshat hai ki diwar-e-qafas TuTti hai
zikr asma-e-ilahi ka hai faizan ki ab
dam ulajhta hai na tasbih-e-nafas TuTti hai
- Book : Mahr-e-Do neem (Pg. 61)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
