tamam umr ki tanhai ki saza de kar
tamām umr kī tanhā.ī kī sazā de kar
taḌap uThā mirā munsif bhī faisla de kar
maiñ ab marūñ ki jiyūñ mujh ko ye ḳhushī hai bahut
use sukūñ to milā mujh ko bad-duā de kar
maiñ us ke vāste sūraj talāsh kartā huuñ
jo so gayā mirī āñkhoñ ko rat-jagā de kar
vo raat raat kā mehmāñ to umr bhar ke liye
chalā gayā mujhe yādoñ kā silsila de kar
jo vā kiyā bhī darīcha to aaj mausam ne
pahāḌ Dhāñp diyā abr kī ridā de kar
kaTī huī hai zamīñ koh se samundar tak
milā hai ghaav ye dariyā ko rāsta de kar
chaTaḳh chaTaḳh ke jalī shāḳh shāḳh jañgal kī
bahut sharār milā aag ko havā de kar
phir is ke ba.ad pahāḌ us ko ḳhud pukāreñge
tū lauT aa use vaadī meñ ik sadā de kar
sutūn-e-reg na Thahrā 'adīm' chhat ke tale
maiñ Dah gayā huuñ ḳhud apne ko aasrā de kar
tamam umr ki tanhai ki saza de kar
taDap uTha mera munsif bhi faisla de kar
main ab marun ki jiyun mujh ko ye KHushi hai bahut
use sukun to mila mujh ko bad-dua de kar
main us ke waste suraj talash karta hun
jo so gaya meri aankhon ko rat-jaga de kar
wo raat raat ka mehman to umr bhar ke liye
chala gaya mujhe yaadon ka silsila de kar
jo wa kiya bhi daricha to aaj mausam ne
pahaD Dhanp diya abr ki rida de kar
kaTi hui hai zamin koh se samundar tak
mila hai ghaw ye dariya ko rasta de kar
chaTaKH chaTaKH ke jali shaKH shaKH jangal ki
bahut sharar mila aag ko hawa de kar
phir is ke baad pahaD us ko KHud pukarenge
tu lauT aa use wadi mein ek sada de kar
sutun-e-reg na Thahra 'adim' chhat ke tale
main Dah gaya hun KHud apne ko aasra de kar
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
