tanhai se bachaw ki surat nahin karun

tanhā.ī se bachāv kī sūrat nahīñ karūñ

mar jā.ūñ kyā kisī se mohabbat nahīñ karūñ

sū-e-falak havā.ī safar hai to kyā huā

Dar jā.ūñ māhtāb kī sūrat nahīñ karūñ

āñkheñ haiñ yā sharāb ke sāġhar bhare hue

pī jā.ūñ kyā ḳhayāl-e-sharī.at nahīñ karūñ

qabze meñ un ke shahr-e-tilismāt hī sahī

kho jā.ūñ kyā ḳhudā kī ibādat nahīñ karūñ

jab tai huā ki raushnī parvardigār hai

pahlū bachā.ūñ us kī itā.at nahīñ karūñ

bazm-e-suḳhan-tarāz meñ nākām hoñ to kyā

chillā.ūñ apne fan kī hifāzat nahīñ karūñ

vo aa gayā 'kamāl' kī qīmat ke ās-pās

bik jā.ūñ apne sach kī hifāzat nahīñ karūñ

tanhai se bachaw ki surat nahin karun

mar jaun kya kisi se mohabbat nahin karun

su-e-falak hawai safar hai to kya hua

Dar jaun mahtab ki surat nahin karun

aankhen hain ya sharab ke saghar bhare hue

pi jaun kya KHayal-e-shariat nahin karun

qabze mein un ke shahr-e-tilismat hi sahi

kho jaun kya KHuda ki ibaadat nahin karun

jab tai hua ki raushni parwardigar hai

pahlu bachaun us ki itaat nahin karun

bazm-e-suKHan-taraaz mein nakaam hon to kya

chillaun apne fan ki hifazat nahin karun

wo aa gaya 'kamal' ki qimat ke aas-pas

bik jaun apne sach ki hifazat nahin karun