baDa dilchasp yaro hadisa hai

baḌā dilchasp yaaro hādisa hai

madārī ḳhud tamāshā ban gayā hai

sabhī dam saadh kar baiThe hue haiñ

kahānī ko kahāñ rokā huā hai

kiyā 'ujlat meñ jo tark-e-ta'alluq

baḌā hī nā-munāsib faisla hai

jahāñ vahshat nisāb-e-zindagī ho

vahāñ dars-e-mohabbat mo'jiza hai

maiñ apne ḳhvāb rakkhūñ to kahāñ par

mirī āñkhoñ meñ Thahrā rat-jagā hai

vahāñ par ras bhare haiñ phuul shāyad

jahāñ par titliyoñ kā jamghaTā hai

agarche log baḌhte jā rahe haiñ

magar insān tanhā ho rahā hai

jise ik chīḳh samjhe log 'arshad'

ghuTan ke baa'd kā vo qahqaha hai

baDa dilchasp yaro hadisa hai

madari KHud tamasha ban gaya hai

sabhi dam sadh kar baiThe hue hain

kahani ko kahan roka hua hai

kiya 'ujlat mein jo tark-e-ta'alluq

baDa hi na-munasib faisla hai

jahan wahshat nisab-e-zindagi ho

wahan dars-e-mohabbat mo'jiza hai

main apne KHwab rakkhun to kahan par

meri aankhon mein Thahra rat-jaga hai

wahan par ras bhare hain phul shayad

jahan par titliyon ka jamghaTa hai

agarche log baDhte ja rahe hain

magar insan tanha ho raha hai

jise ek chiKH samjhe log 'arshad'

ghuTan ke ba'd ka wo qahqaha hai