maine samjha tha mere yar sanbhaalenge mujhe
maiñ ne samjhā thā mire yaar sañbhāleñge mujhe
vo bahar-taur musībat se bachā leñge mujhe
is qadar duur na jaa.eñ mujhe tanhā kar ke
fāsle gar na kaTe aap gañvā leñge mujhe
jin se ḳhud aap sañbhālā nahīñ jaatā ḳhud ko
un kā dā'vā hai ki vo aa ke sañbhāleñge mujhe
jab maiñ rah jā.ūñgā be-jān sā patthar ban kar
mere 'ushshāq divāroñ meñ sajā leñge mujhe
'kaif' maiñ kuchh bhī nahīñ par huuñ mohammad kā ġhulām
mere sarkār to kamlī meñ chhupā leñge mujhe
main ne samjha tha mere yar sanbhaalenge mujhe
wo bahar-taur musibat se bacha lenge mujhe
is qadar dur na jaen mujhe tanha kar ke
fasle gar na kaTe aap ganwa lenge mujhe
jin se KHud aap sanbhaala nahin jata KHud ko
un ka da'wa hai ki wo aa ke sanbhaalenge mujhe
jab main rah jaunga be-jaan sa patthar ban kar
mere 'ushshaq diwaron mein saja lenge mujhe
'kaif' main kuchh bhi nahin par hun mohammad ka ghulam
mere sarkar to kamli mein chhupa lenge mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
