kam-sini aur shabab ka aalam
kam-sinī aur shabāb kā aalam
hai buḌhāpe meñ ḳhvāb kā aalam
pā.eḳhāna meñ dekh letā huuñ
roz us be-hijāb kā aalam
mast āñkheñ thiiñ chaal matvālī
be-piye aur sharāb kā aalam
vasl kī shab rahegī barsoñ yaad
aur us be-hijāb kā aalam
ek bose pe saiñkaḌoñ juute
ye javāb-ul-javāb kā aalam
vasl kī shab meñ kyā karūñ tadbīr
hai ajab pech-o-tāb kā aalam
us taraf to hai kam-sinī us kī
is taraf hai shabāb kā aalam
apne ashkoñ meñ bah rahā huuñ maiñ
uf ye chashm-e-pur-āb kā aalam
aisī piirī se laakh behtar thā
TuuTā phūTā shabāb kā aalam
na gino bosa vasl kī shab meñ
aaj hai be-hisāb kā aalam
hai duā 'būm' kī hazāroñ saal
rahe tum par shabāb kā aalam
kam-sini aur shabab ka aalam
hai buDhape mein KHwab ka aalam
paeKHana mein dekh leta hun
roz us be-hijab ka aalam
mast aankhen thin chaal matwali
be-piye aur sharab ka aalam
wasl ki shab rahegi barson yaad
aur us be-hijab ka aalam
ek bose pe sainkaDon jute
ye jawab-ul-jawab ka aalam
wasl ki shab mein kya karun tadbir
hai ajab pech-o-tab ka aalam
us taraf to hai kam-sini us ki
is taraf hai shabab ka aalam
apne ashkon mein bah raha hun main
uf ye chashm-e-pur-ab ka aalam
aisi piri se lakh behtar tha
TuTa phuTa shabab ka aalam
na gino bosa wasl ki shab mein
aaj hai be-hisab ka aalam
hai dua 'bum' ki hazaron sal
rahe tum par shabab ka aalam
Source:
Intikhab-e-Kalam-e-Boom (Pg. 38)
-
- Publisher: Jawahar Book Depot, Meerut
- Year of Publication: 1980
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
