tha jo sher-e-rast sarw-e-bostan-e-reKHta

thā jo sher-e-rāst sarv-e-bostān-e-reḳhta

ab vahī hai lāla-e-zard-e-ḳhizān-e-reḳhta

aage kachhve kī kamāñ ke qadr kyā us kī rahī

thī farīd-ābādī apnī go kamān-e-reḳhta

ḳhushk karte haiñ jo fikr-e-ḳhushk se apnā dimāġh

jānte haiñ us ko maġhz-e-ustuḳhvān-e-reḳhta

pech de de lafz o ma.anī ko banāte haiñ kulaft

aur vo phir us pe rakhte haiñ gumān-e-reḳhta

fahm meñ itnā nahīñ aatā ba-hukme-e-rā-e-past

is bulandī se ghaTī jaatī hai shān-e-reḳhta

ḳhvān-e-yaġhmā ban ke pahuñchā har kas-o-nā-kas ke haath

nitta.a-e-sultāñ jo thā maḳhsūs ḳhvān-e-reḳhta

hai rag-e-abr-e-bahārī haath meñ mere qalam

rashk-e-jannat jis se hai ye gulistān-e-reḳhta

fārsī ab ho ga.ī hai nañg us ke vāste

fārsī kā nañg thā jaise qur.ān-e-reḳhta

chāñd taare kā dupaTTā meñ diyā us ko banā

varna is zīnat se kab thā āsmān-e-reḳhta

rafta rafta haa.e us kā aur aalam ho gayā

nazm se apnī girā nazm-e-bayān-e-reḳhta

jab se ma.anī-bañdī kā charchā huā ai 'mus.hafī'

ḳhalte meñ jaatā rahā husn-e-zabān-e-reḳhta

tha jo sher-e-rast sarw-e-bostan-e-reKHta

ab wahi hai lala-e-zard-e-KHizan-e-reKHta

aage kachhwe ki kaman ke qadr kya us ki rahi

thi farid-abaadi apni go kaman-e-reKHta

KHushk karte hain jo fikr-e-KHushk se apna dimagh

jaante hain us ko maghz-e-ustuKHwan-e-reKHta

pech de de lafz o mani ko banate hain kulaft

aur wo phir us pe rakhte hain guman-e-reKHta

fahm mein itna nahin aata ba-hukme-e-ra-e-past

is bulandi se ghaTi jati hai shan-e-reKHta

KHwan-e-yaghma ban ke pahuncha har kas-o-na-kas ke hath

nitta-e-sultan jo tha maKHsus KHwan-e-reKHta

hai rag-e-abr-e-bahaari hath mein mere qalam

rashk-e-jannat jis se hai ye gulistan-e-reKHta

farsi ab ho gai hai nang us ke waste

farsi ka nang tha jaise quran-e-reKHta

chand tare ka dupaTTa mein diya us ko bana

warna is zinat se kab tha aasman-e-reKHta

rafta rafta hae us ka aur aalam ho gaya

nazm se apni gira nazm-e-bayan-e-reKHta

jab se mani-bandi ka charcha hua ai 'mushafi'

KHalte mein jata raha husn-e-zaban-e-reKHta