tir par tir lagao tumhein Dar kis ka hai
tiir par tiir lagāo tumheñ Dar kis kā hai
siina kis kā hai mirī jaan jigar kis kā hai
ḳhauf-e-mīzān-e-qayāmat nahīñ mujh ko ai dost
tū agar hai mire palle meñ to Dar kis kā hai
koī aatā hai adam se to koī jaatā hai
saḳht donoñ meñ ḳhudā jaane safar kis kā hai
chhup rahā hai qafas-e-tan meñ jo har tā.ir-e-dil
aañkh khole hue shāhīn-e-nazar kis kā hai
nām-e-shā.ir na sahī sher kā mazmūn ho ḳhuub
phal se matlab hameñ kyā kaam shajar kis kā hai
said karne se jo hai tā.ir-e-dil ke munkir
ai kamāñ-dār tire tiir meñ par kis kā hai
merī hairat kā shab-e-vasl ye baa.is hai 'amīr'
sar ba-zānū huuñ ki zaanū pe ye sar kis kā hai
tir par tir lagao tumhein Dar kis ka hai
sina kis ka hai meri jaan jigar kis ka hai
KHauf-e-mizan-e-qayamat nahin mujh ko ai dost
tu agar hai mere palle mein to Dar kis ka hai
koi aata hai adam se to koi jata hai
saKHt donon mein KHuda jaane safar kis ka hai
chhup raha hai qafas-e-tan mein jo har tair-e-dil
aankh khole hue shahin-e-nazar kis ka hai
nam-e-shair na sahi sher ka mazmun ho KHub
phal se matlab hamein kya kaam shajar kis ka hai
said karne se jo hai tair-e-dil ke munkir
ai kaman-dar tere tir mein par kis ka hai
meri hairat ka shab-e-wasl ye bais hai 'amir'
sar ba-zanu hun ki zanu pe ye sar kis ka hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
