tera hai kaam kaman mein use lagane tak

tirā hai kaam kamāñ meñ use lagāne tak

ye tiir ḳhud hī chalā jā.egā nishāne tak

maiñ shīsha kyuuñ na banā aadmī huā kyūñkar

mujhe to umr lagī TuuT phuuT jaane tak

ga.e huoñ ne palaT kar sadā na dī mujh ko

maiñ kitnī baar gayā ġhaar ke dahāne tak

tujhe to apne paroñ par hī e'tibār nahīñ

tū kaise aa.egā uḌ kar mire zamāne tak

kiyā thā faisla buniyād-e-āshiyāñ kā 'nasīm'

havā.eñ tinke uḌā lā.īñ āshiyāne tak

tera hai kaam kaman mein use lagane tak

ye tir KHud hi chala jaega nishane tak

main shisha kyun na bana aadmi hua kyunkar

mujhe to umr lagi TuT phuT jaane tak

gae huon ne palaT kar sada na di mujh ko

main kitni bar gaya ghaar ke dahane tak

tujhe to apne paron par hi e'tibar nahin

tu kaise aaega uD kar mere zamane tak

kiya tha faisla buniyaad-e-ashiyan ka 'nasim'

hawaen tinke uDa lain aashiyane tak