tere jalwon ke aage himmat-e-sharh-o-bayan rakh di

tire jalvoñ ke aage himmat-e-sharh-o-bayāñ rakh dī

zabān-e-be-nigah rakh dī nigāh-e-be-zabāñ rakh dī

miTī jaatī thī bulbul jalva-e-gul-hā-e-rañgīñ par

chhupā kar kis ne in pardoñ meñ barq-e-āshiyāñ rakh dī

niyāz-e-ishq ko samjhā hai kyā ai vā.iz-e-nādān

hazāroñ ban ga.e ka.abe jabīñ maiñ ne jahāñ rakh dī

qafas kī yaad meñ ye iztirāb-e-dil ma.āz-allāh

ki maiñ ne toḌ kar ek ek shāḳh-e-āshiyāñ rakh dī

karishme husn ke pinhāñ the shāyad raqs-e-bismil meñ

bahut kuchh soch kar zālim ne teġh-e-ḳhūñ-fishāñ rakh dī

ilāhī kyā kiyā tū ne ki aalam meñ talātum hai

ġhazab kī ek musht-e-ḳhāk zer-e-āsmāñ rakh dī

tere jalwon ke aage himmat-e-sharh-o-bayan rakh di

zaban-e-be-nigah rakh di nigah-e-be-zaban rakh di

miTi jati thi bulbul jalwa-e-gul-ha-e-rangin par

chhupa kar kis ne in pardon mein barq-e-ashiyan rakh di

niyaz-e-ishq ko samjha hai kya ai waiz-e-nadan

hazaron ban gae kabe jabin main ne jahan rakh di

qafas ki yaad mein ye iztirab-e-dil maaz-allah

ki main ne toD kar ek ek shaKH-e-ashiyan rakh di

karishme husn ke pinhan the shayad raqs-e-bismil mein

bahut kuchh soch kar zalim ne tegh-e-KHun-fishan rakh di

ilahi kya kiya tu ne ki aalam mein talatum hai

ghazab ki ek musht-e-KHak zer-e-asman rakh di