tere qarib rahun ya ki dur jaun main
tire qarīb rahūñ yā ki duur jā.ūñ maiñ
hai dil kā ek hī aalam tujhī ko chāhūñ maiñ
maiñ jāntā huuñ vo rakhtā hai chāhateñ kitnī
magar ye baat use kis tarah batā.ūñ maiñ
jo chup rahā to vo samjhegā bad-gumān mujhe
burā bhalā hī sahī kuchh to bol aa.uuñ maiñ
phir us ke ba.ad ta.alluq meñ fāsle hoñge
mujhe sambhāl ke rakhnā bichhaḌ na jā.ūñ maiñ
mohabbatoñ kī parakh kā yahī to rasta hai
tirī talāsh meñ niklūñ tujhe na pā.ūñ maiñ
tere qarib rahun ya ki dur jaun main
hai dil ka ek hi aalam tujhi ko chahun main
main jaanta hun wo rakhta hai chahaten kitni
magar ye baat use kis tarah bataun main
jo chup raha to wo samjhega bad-guman mujhe
bura bhala hi sahi kuchh to bol aaun main
phir us ke baad talluq mein fasle honge
mujhe sambhaal ke rakhna bichhaD na jaun main
mohabbaton ki parakh ka yahi to rasta hai
teri talash mein niklun tujhe na paun main
- Book : Junoon (Pg. 113)
- Author : Naseem Muqri
- Publication : Naseem Muqri (1990)
- Edition : 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
