tere sanche mein Dhalta ja raha hun

tire sāñche meñ Dhaltā jā rahā huuñ

tujhe bhī kuchh badaltā jā rahā huuñ

na jaane tujh ko bhūlā huuñ ki ḳhud ko

bahar-sūrat sañbhaltā jā rahā huuñ

tabī'at hai abhī tiflāna merī

khilaunoñ se bahaltā jā rahā huuñ

haqīqat ko mukammal dekhnā hai

nazar ke ruḳh badaltā jā rahā huuñ

chalā hai mujh se aage merā saaya

so maiñ bhī saath chaltā jā rahā huuñ

ye chāhā thā ki patthar ban ke jī luuñ

so andar se pighaltā jā rahā huuñ

bahut nāzāñ huuñ mahrūmī pe apnī

isī par haath miltā jā rahā huuñ

kisī kā vā'da-e-fardā nahīñ maiñ

tū kyuuñ fardā pe Taltā jā rahā huuñ

tere sanche mein Dhalta ja raha hun

tujhe bhi kuchh badalta ja raha hun

na jaane tujh ko bhula hun ki KHud ko

bahar-surat sanbhalta ja raha hun

tabi'at hai abhi tiflana meri

khilaunon se bahalta ja raha hun

haqiqat ko mukammal dekhna hai

nazar ke ruKH badalta ja raha hun

chala hai mujh se aage mera saya

so main bhi sath chalta ja raha hun

ye chaha tha ki patthar ban ke ji lun

so andar se pighalta ja raha hun

bahut nazan hun mahrumi pe apni

isi par hath milta ja raha hun

kisi ka wa'da-e-farda nahin main

tu kyun farda pe Talta ja raha hun