aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hawa ko aur bhi kuchh tez kar gae hain log

Shaayar Lakhnavi

hawa ko aur bhi kuchh tez kar gae hain log

Shaayar Lakhnavi

MORE BYShaayar Lakhnavi

    havā ko aur bhī kuchh tez kar ga.e haiñ log

    charāġh le ke na jaane kidhar ga.e haiñ log

    safar ke shauq meñ itne azaab jhele haiñ

    ki ab to qasd-e-safar se Dar ga.e haiñ log

    dhuāñ dhuāñ nazar aatī haiñ shahr galiyāñ

    sunā hai aaj sar-e-shām ghar ga.e haiñ log

    jahāñ se nikle haiñ raste musāfiroñ ke liye

    makān aise bhī ta.amīr kar ga.e haiñ log

    kabhī kabhī to judā.ī lazzateñ de kar

    rafāqatoñ meñ nayā rañg bhar ga.e haiñ log

    malāl-e-tark-e-ta.alluq na jaane kyā hotā

    ḳhayāl-e-tark-e-ta.alluq se mar ga.e haiñ log

    ġhurūr tund havāoñ yuuñ bhī toḌā hai

    charāġh haath pe rakh kar guzar ga.e haiñ log

    koī javāb nahīñ fikr bulandī

    zamīñ pe rah ke bhī aflāk par ga.e haiñ log

    qarīb the to faqat vāsta thā āñkhoñ se

    judā hue haiñ to dil meñ utar ga.e haiñ log

    vo gesuoñ ghaTā ho ki daar saaya

    jahāñ bhī chhāñv milī hai Thahar ga.e haiñ log

    ye aur baat ki ghar bujh ga.e haiñ ai 'shā.er'

    magar vatan meñ charāġhāñ to kar ga.e haiñ log

    hawa ko aur bhi kuchh tez kar gae hain log

    charagh le ke na jaane kidhar gae hain log

    safar ke shauq mein itne azab jhele hain

    ki ab to qasd-e-safar hi se Dar gae hain log

    dhuan dhuan nazar aati hain shahr ki galiyan

    suna hai aaj sar-e-sham ghar gae hain log

    jahan se nikle hain raste musafiron ke liye

    makan aise bhi tamir kar gae hain log

    kabhi kabhi to judai ki lazzaten de kar

    rafaqaton mein naya rang bhar gae hain log

    malal-e-tark-e-talluq na jaane kya hota

    KHayal-e-tark-e-talluq se mar gae hain log

    ghurur tund hawaon ka yun bhi toDa hai

    charagh hath pe rakh kar guzar gae hain log

    koi jawab nahin fikr ki bulandi ka

    zamin pe rah ke bhi aflak par gae hain log

    qarib the to faqat wasta tha aankhon se

    juda hue hain to dil mein utar gae hain log

    wo gesuon ki ghaTa ho ki dar ka saya

    jahan bhi chhanw mili hai Thahar gae hain log

    ye aur baat ki ghar bujh gae hain ai 'shaer'

    magar watan mein charaghan to kar gae hain log

    Source:

    URDU-1983 (Pg. 136)

    • Author: NAND KISHORE VIKRAM
      • Edition: 1983
      • Publisher: Publishers & Advertisers J-6,Krishan Nagar ,Delhi-110051
      • Year of Publication: 1983

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now