aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tujh pe jaan dene ko tayyar koi to hoga

Shahzad Ahmad

tujh pe jaan dene ko tayyar koi to hoga

Shahzad Ahmad

MORE BYShahzad Ahmad

    tujh pe jaañ dene ko tayyār koī to hogā

    zindagī terā talabgār koī to hogā

    taḳhta-e-dār pe chāhe jise laTkā diije

    itne logoñ meñ gunāhgār koī to hogā

    koī dīvāna to lalkāregā aatī rut ko

    vāqi.a phir sar-e-bāzār koī to hogā

    koī to raat ko dekhegā javāñ hote hue

    is bhare shahr meñ bedār koī to hogā

    dil ke andar bhī to maujūd hai duniyā zamīr

    aap se bar-sar-e-paikār koī to hogā

    shaam ko roz nahātā hai lahū meñ sūraj

    nahīñ khultā magar asrār koī to hogā

    maiñ yahī soch ke jañgal se nikal aayā thā

    shahr meñ sāya-e-dīvār koī to hogā

    ḳhushk miTTī se bhī ḳhushbū tirī aatī hogī

    miT chukā ghar magar āsār koī to hogā

    kyuuñ khiñche jaate haiñ roz us taraf ham 'shahzād'

    us jānib se bhī isrār koī to hogā

    tujh pe jaan dene ko tayyar koi to hoga

    zindagi tera talabgar koi to hoga

    taKHta-e-dar pe chahe jise laTka dije

    itne logon mein gunahgar koi to hoga

    koi diwana to lalkarega aati rut ko

    waqia phir sar-e-bazar koi to hoga

    koi to raat ko dekhega jawan hote hue

    is bhare shahr mein bedar koi to hoga

    dil ke andar bhi to maujud hai duniya ka zamir

    aap se bar-sar-e-paikar koi to hoga

    sham ko roz nahata hai lahu mein suraj

    nahin khulta magar asrar koi to hoga

    main yahi soch ke jangal se nikal aaya tha

    shahr mein saya-e-diwar koi to hoga

    KHushk miTTi se bhi KHushbu teri aati hogi

    miT chuka ghar magar aasar koi to hoga

    kyun khinche jate hain roz us ki taraf hum 'shahzad'

    us ki jaanib se bhi israr koi to hoga

    Source:

    Deewar pe dastak (Pg. 865)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now