aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Tuk dekh len chaman ko chalo lala-zar tak

Meer Hasan

Tuk dekh len chaman ko chalo lala-zar tak

Meer Hasan

MORE BYMeer Hasan

    Tuk dekh leñ chaman ko chalo lāla-zār tak

    kyā jaane phir ji.eñ na ji.eñ ham bahār tak

    qismat ne duur aisā pheñkā hameñ ki ham

    phir jīte-jī pahuñch na sake apne yaar tak

    le jā.ūñ ab maiñ yaañ se kahāñ apnā āshiyāñ

    dushman hai is chaman meñ mirā ḳhaar ḳhaar tak

    dast-e-sitam darāz kiyā jab junūn ne

    chhoḌā na mere paas garebāñ taar tak

    phir bhī Tuk itnā us ko kah dījiyo sabā

    jaave agar hamāre taġhāful-shi.ār tak

    jiine sūrat us Thahartī hai koī dam

    is vaqt meñ bhī pahuñcho jo us be-qarār tak

    kah is zamīñ meñ ek ġhazal aur bhī 'hasan'

    hai terī tab.a kahne par ab to hazār tak

    Tuk dekh len chaman ko chalo lala-zar tak

    kya jaane phir jien na jien hum bahaar tak

    qismat ne dur aisa hi phenka hamein ki hum

    phir jite-ji pahunch na sake apne yar tak

    le jaun ab main yan se kahan apna aashiyan

    dushman hai is chaman mein mera KHar KHar tak

    dast-e-sitam daraaz kiya jab junun ne

    chhoDa na mere pas gareban ka tar tak

    phir bhi Tuk itna us ko tu kah dijiyo saba

    jawe agar hamare taghaful-shiar tak

    jine ki surat us ki Thaharti hai koi dam

    is waqt mein bhi pahuncho jo us be-qarar tak

    kah is zamin mein ek ghazal aur bhi 'hasan'

    hai teri taba kahne par ab to hazar tak

    Source:

    Deewan-e-Meer Hasan (Pg. 54)

    • Author: Meer Hasan
      • Edition: 1912
      • Publisher: Munshi Nawal Kishor, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now