tum aziz aur tumhaara gham bhi aziz

tum aziiz aur tumhārā ġham bhī aziiz

kis se kis kā gilā kare koī

māne-e-arz mujh ko pās-e-vafā

un ko zid iltijā kare koī

tum taġhāful-shi.ār dil māyūs

aah kyā hausla kare koī

ġham-e-dil ab kisī ke bas kā nahīñ

kyā davā kyā duā kare koī

kaun suntā hai ġham-nasīboñ kī

kis ke dar par sadā kare koī

ḳhair sun lo mirā fasāna-e-ġham

ye to kah doge kyā kare koī

saḳht mushkil hai sharh-e-dard-e-nihāñ

kis tarah ibtidā kare koī

jis ko dekho vo hai vafā-dushman

kis se ahd-e-vafā kare koī

ḳhatm jaur-o-jafā hai marg-e-vafā

kaash phir ibtidā kare koī

lutf-e-tāzīr jab ho jān-e-hayāt

kyuuñ na 'hādī' ḳhatā kare koī

tum aziz aur tumhaara gham bhi aziz

kis se kis ka gila kare koi

mane-e-arz mujh ko pas-e-wafa

un ko zid iltija kare koi

tum taghaful-shiar dil mayus

aah kya hausla kare koi

gham-e-dil ab kisi ke bas ka nahin

kya dawa kya dua kare koi

kaun sunta hai gham-nasibon ki

kis ke dar par sada kare koi

KHair sun lo mera fasana-e-gham

ye to kah doge kya kare koi

saKHt mushkil hai sharh-e-dard-e-nihan

kis tarah ibtida kare koi

jis ko dekho wo hai wafa-dushman

kis se ahd-e-wafa kare koi

KHatm jaur-o-jafa hai marg-e-wafa

kash phir ibtida kare koi

lutf-e-tazir jab ho jaan-e-hayat

kyun na 'hadi' KHata kare koi