tumne ye kya sitam kiya zabt se kaam le liya

tum ne ye kyā sitam kiyā zabt se kaam le liyā

tark-e-vafā ke ba.ad bhī merā salām le liyā

rind-e-ḳharāb-nosh kī be-adabī to dekhiye

niyyat-e-mai-kashī na kī haath meñ jaam le liyā

haa.e vo paikar-e-havas haa.e vo ḳhugar-e-qafas

bech ke jis ne āshiyāñ halqa-e-dām le liyā

bādā-kashān-e-ishq ko kuchh to milā pa.e-sukūñ

husn-e-sahar na le sake jalva-e-shām le liyā

nāma-e-shauq paḌh ke vo kho ga.e yak-ba-yak 'shakīl'

muñh se to kuchh na kah sake dil se payām le liyā

tum ne ye kya sitam kiya zabt se kaam le liya

tark-e-wafa ke baad bhi mera salam le liya

rind-e-KHarab-nosh ki be-adabi to dekhiye

niyyat-e-mai-kashi na ki hath mein jam le liya

hae wo paikar-e-hawas hae wo KHugar-e-qafas

bech ke jis ne aashiyan halqa-e-dam le liya

baada-kashan-e-ishq ko kuchh to mila pae-sukun

husn-e-sahar na le sake jalwa-e-sham le liya

nama-e-shauq paDh ke wo kho gae yak-ba-yak 'shakil'

munh se to kuchh na kah sake dil se payam le liya