tumhaara kya tumhein aasan bahut raste badalna hai
tumhārā kyā tumheñ āsāñ bahut raste badalnā hai
hameñ har ek mausam qāfile ke saath chalnā hai
bas ik Dhalvān hai jis par luḌhakte jā rahe haiñ ham
hameñ jaane nasheboñ meñ kahāñ jā kar sambhalnā hai
ham is Dar se koī sūraj chamakne hī nahīñ dete
ki jaane shab ke añdhiyāroñ se kyā manzar nikalnā hai
hamāre dil-jazīre par utartā hī nahīñ koī
kaheñ kis se ki is miTTī ne kis sāñche meñ Dhalnā hai
nigāheñ pūchhtī phirtī haiñ āvāra havāoñ se
zamīnoñ ne zamānoñ kā ḳhazāna kab ugalnā hai
kisī ma.asūm se jhoñke kī ik halkī sī dastak par
inhī patthar pahāḌoñ se koī chashma ubalnā hai
tumhaara kya tumhein aasan bahut raste badalna hai
hamein har ek mausam qafile ke sath chalna hai
bas ek Dhalwan hai jis par luDhakte ja rahe hain hum
hamein jaane nashebon mein kahan ja kar sambhalna hai
hum is Dar se koi suraj chamakne hi nahin dete
ki jaane shab ke andhiyaron se kya manzar nikalna hai
hamare dil-jazire par utarta hi nahin koi
kahen kis se ki is miTTi ne kis sanche mein Dhalna hai
nigahen puchhti phirti hain aawara hawaon se
zaminon ne zamanon ka KHazana kab ugalna hai
kisi masum se jhonke ki ek halki si dastak par
inhi patthar pahaDon se koi chashma ubalna hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
