tumhein KHayal-e-zat hai shuur-e-zat hi nahin
tumheñ ḳhayāl-e-zāt hai shu.ūr-e-zāt hī nahīñ
ḳhatā muaaf ye tumhāre bas kī baat hī nahīñ
ġhazal fazā bhī DhūñDtī hai apne ḳhaas rañg kī
hamārā mas.ala faqat qalam davāt hī nahīñ
hamārī sā.atoñ ke hissa-dār aur log haiñ
hamāre sāmne faqat hamārī zaat hī nahīñ
varaq varaq pe Diary meñ āñsuoñ kā nam bhī hai
ye sirf bārishoñ se bhīge kāġhzāt hī nahīñ
kahāniyoñ kā ruup de ke ham jinheñ sunā sakeñ
hamārī zindagī meñ aise vāqi.āt hī nahīñ
kisī kā naam aa gayā thā yūñhī darmiyān meñ
ab is kā zikr kyā kareñ jab aisī baat hī nahīñ
tumhein KHayal-e-zat hai shuur-e-zat hi nahin
KHata muaf ye tumhaare bas ki baat hi nahin
ghazal faza bhi DhunDti hai apne KHas rang ki
hamara masala faqat qalam dawat hi nahin
hamari saaton ke hissa-dar aur log hain
hamare samne faqat hamari zat hi nahin
waraq waraq pe Diary mein aansuon ka nam bhi hai
ye sirf barishon se bhige kaghzat hi nahin
kahaniyon ka rup de ke hum jinhen suna saken
hamari zindagi mein aise waqiat hi nahin
kisi ka nam aa gaya tha yunhi darmiyan mein
ab is ka zikr kya karen jab aisi baat hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
