tu ne lagai ab ki ye kya aag ai basant

tū ne lagā.ī ab kī ye kyā aag ai basant

jis se ki dil kī aag uThe jaag ai basant

kaifiyyat-e-bahār ke tū us ko de ḳhabar

mauj-e-nasīm kī tarah uḌ laag ai basant

har shāḳh zard o surḳh o siyah hijr-e-yār meñ

Daste haiñ dil ko aan ke juuñ naag ai basant

muñh dekho āshiqoñ ke muqābil huuñ rañg meñ

bāñdhī hai mujh se kis liye tū laag ai basant

tujh meñ kahāñ ye būqalamūnī kahāñ ye sañg

dasht-o-jabal ko ḳhair se ab bhaag ai basant

juuñ tār-e-chañg chheḌ na 'inshā' ko baat meñ

terā sunā huā hai ye ghaTrāg ai basant

tu ne lagai ab ki ye kya aag ai basant

jis se ki dil ki aag uThe jag ai basant

kaifiyyat-e-bahaar ke tu us ko de KHabar

mauj-e-nasim ki tarah uD lag ai basant

har shaKH zard o surKH o siyah hijr-e-yar mein

Daste hain dil ko aan ke jun nag ai basant

munh dekho aashiqon ke muqabil hun rang mein

bandhi hai mujh se kis liye tu lag ai basant

tujh mein kahan ye buqalamuni kahan ye sang

dasht-o-jabal ko KHair se ab bhag ai basant

jun tar-e-chang chheD na 'insha' ko baat mein

tera suna hua hai ye ghaTrag ai basant