un ko ahd-e-shabab mein dekha
un ko ahd-e-shabāb meñ dekhā
chāñdnī ko sharāb meñ dekhā
aañkh kā e'tibār kyā karte
jo bhī dekhā vo ḳhvāb meñ dekhā
daaġh sā māhtāb meñ paayā
zaḳhm sā āftāb meñ dekhā
jaam lā kar qarīb āñkhoñ ke
aap ne kuchh sharāb meñ dekhā
kis ne chheḌā thā sāz-e-mastī ko?
ek sho.ala rubāb meñ dekhā
log kuchh mutma.in bhī the phir bhī
jis ko dekhā azaab meñ dekhā
hijr kī raat so ga.e the 'adam'
sub.h-e-mahshar ko ḳhvāb meñ dekhā
un ko ahd-e-shabab mein dekha
chandni ko sharab mein dekha
aankh ka e'tibar kya karte
jo bhi dekha wo KHwab mein dekha
dagh sa mahtab mein paya
zaKHm sa aaftab mein dekha
jam la kar qarib aankhon ke
aap ne kuchh sharab mein dekha
kis ne chheDa tha saz-e-masti ko?
ek shoala rubab mein dekha
log kuchh mutmain bhi the phir bhi
jis ko dekha azab mein dekha
hijr ki raat so gae the 'adam'
subh-e-mahshar ko KHwab mein dekha
- Book : Kulliyat-e-Adm (Pg. 154)
- Author : Khwaja Mohammad Zakariya
- Publication : Alhamd Publications, Lahore (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
