aadmi KHwar bhi hota hai nahin bhi hota
aadmī ḳhvār bhī hotā hai nahīñ bhī hotā
ishq āzār bhī hotā hai nahīñ bhī hotā
ye jo kuchh log ḳhayāloñ meñ rahā karte haiñ
un kā ghar-bār bhī hotā hai nahīñ bhī hotā
zindagī sahl-pasandī meñ basar kar lenā
kār-e-dushvār bhī hotā hai nahīñ bhī hotā
kār-e-duniyā hī kuchh aisā hai ki dil se tirā dard
silsila-vār bhī hotā hai nahīñ bhī hotā
shādī-o-marg ne ye nukta batāyā hai ki vaqt
tez-raftār bhī hotā hai nahīñ bhī hotā
'afzal' aur qais ne qānūn banāyā hai ki ishq
dūsrī baar bhī hotā hai nahīñ bhī hotā
aadmi KHwar bhi hota hai nahin bhi hota
ishq aazar bhi hota hai nahin bhi hota
ye jo kuchh log KHayalon mein raha karte hain
un ka ghar-bar bhi hota hai nahin bhi hota
zindagi sahl-pasandi mein basar kar lena
kar-e-dushwar bhi hota hai nahin bhi hota
kar-e-duniya hi kuchh aisa hai ki dil se tera dard
silsila-war bhi hota hai nahin bhi hota
shadi-o-marg ne ye nukta bataya hai ki waqt
tez-raftar bhi hota hai nahin bhi hota
'afzal' aur qais ne qanun banaya hai ki ishq
dusri bar bhi hota hai nahin bhi hota
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
