isi silsile mein ghazal kahun ki main ishq hun ki main ishq hun

isī silsile meñ ġhazal kahūñ ki maiñ 'ishq huuñ ki maiñ 'ishq huuñ

yahī bāzgasht sunā karūñ ki maiñ 'ishq huuñ ki maiñ 'ishq huuñ

tū kahīñ fareb thā yā nahīñ mujhe kyā patā tū mujhe batā

maiñ kahāñ kahāñ pe subūt duuñ ki maiñ 'ishq huuñ ki maiñ 'ishq huuñ

mujhe dekh dekh jalā kare vo diye kī lau mirā kyā kare

vo to aag hai use kyā kahūñ ki maiñ 'ishq huuñ ki maiñ 'ishq huuñ

vahī be-zarar vahī be-navā usī ek dar pe paḌā huā

na maiñ Tal sakūñ na maiñ pal sakūñ ki maiñ 'ishq huuñ ki maiñ 'ishq huuñ

mujhe kyā naved visāl kī mujhe kyā ḳhabar tire haal kī

mujhe kab nasīb huā sakūñ ki maiñ 'ishq huuñ ki maiñ 'ishq huuñ

nahīñ koī mujh meñ kasar nahīñ nahīñ koī mujh meñ kamī nahīñ

nahīñ ban sakī mirī baat yuuñ ki maiñ 'ishq huuñ ki maiñ 'ishq huuñ

isi silsile mein ghazal kahun ki main 'ishq hun ki main 'ishq hun

yahi bazgasht suna karun ki main 'ishq hun ki main 'ishq hun

tu kahin fareb tha ya nahin mujhe kya pata tu mujhe bata

main kahan kahan pe subut dun ki main 'ishq hun ki main 'ishq hun

mujhe dekh dekh jala kare wo diye ki lau mera kya kare

wo to aag hai use kya kahun ki main 'ishq hun ki main 'ishq hun

wahi be-zarar wahi be-nawa usi ek dar pe paDa hua

na main Tal sakun na main pal sakun ki main 'ishq hun ki main 'ishq hun

mujhe kya nawed visal ki mujhe kya KHabar tere haal ki

mujhe kab nasib hua sakun ki main 'ishq hun ki main 'ishq hun

nahin koi mujh mein kasar nahin nahin koi mujh mein kami nahin

nahin ban saki meri baat yun ki main 'ishq hun ki main 'ishq hun