munh kahan ye ki kahun jaiye aur so rahiye

muñh kahāñ ye ki kahūñ jā.iye aur so rahiye

ḳhuub gar niiñd hai to aa.iye aur so rahiye

takiya zaanū kā mire kījiye be-ḳhauf-o-ḳhatar

aap tashrīf idhar lā.iye aur so rahiye

aaj kī chāñdnī vo hai ki kisī shoḳh ke saath

khol āġhosh lipaT jā.iye aur so rahiye

yuuñ to hargiz nahīñ aane kī tumheñ niiñd magar

mujh se qissa mirā kahvā.iye aur so rahiye

ġham rahā thā mirī bātoñ kā tumheñ kis kis din

muñh mirā aap na khulvā.iye aur so rahiye

gar raheñ ham bhī kahīñ pā.eñtī ab jaa.eñ kahāñ

aap itnā hameñ farmā.iye aur so rahiye

baḳht jaage haiñ shab-e-māh meñ jo yaar hai paas

chāñdnī taḳht pe bichhvāi.ye aur so rahiye

us adā kā huuñ maiñ dīvāna ki añgḌā.ī le

mujh se kahtā hai kahīñ jā.iye aur so rahiye

Dar ḳhudā kā hai nahīñ aur sanam ko le kar

ek jā par tujhe dikhlā.iye aur so rahiye

tapish-e-ishq kī garmī se jale jaate haiñ

chhāñv ThanDī kahīñ Tuk pā.iye aur so rahiye

ye bilā fikr se kuchh ned huī hai 'hasan'

jī meñ aatā hai ki kuchh khā.iye aur so rahiye

munh kahan ye ki kahun jaiye aur so rahiye

KHub gar nind hai to aaiye aur so rahiye

takiya zanu ka mere kijiye be-KHauf-o-KHatar

aap tashrif idhar laiye aur so rahiye

aaj ki chandni wo hai ki kisi shoKH ke sath

khol aaghosh lipaT jaiye aur so rahiye

yun to hargiz nahin aane ki tumhein nind magar

mujh se qissa mera kahwaiye aur so rahiye

gham raha tha meri baaton ka tumhein kis kis din

munh mera aap na khulwaiye aur so rahiye

gar rahen hum bhi kahin paenti ab jaen kahan

aap itna hamein farmaiye aur so rahiye

baKHt jage hain shab-e-mah mein jo yar hai pas

chandni taKHt pe bichhwaiye aur so rahiye

us ada ka hun main diwana ki angDai le

mujh se kahta hai kahin jaiye aur so rahiye

Dar KHuda ka hai nahin aur sanam ko le kar

ek ja par tujhe dikhlaiye aur so rahiye

tapish-e-ishq ki garmi se jale jate hain

chhanw ThanDi kahin Tuk paiye aur so rahiye

ye bila fikr se kuchh ned hui hai 'hasan'

ji mein aata hai ki kuchh khaiye aur so rahiye