nahin tha dhyan koi toDte hue cigarette

nahīñ thā dhyān koī toḌte hue cigarette

maiñ tujh ko bhuul gayā chhoḌte hue cigarette

so yuuñ huā ki pareshāniyoñ meñ piine lage

ġham-e-hayāt se muñh moḌte hue cigarette

mushābah kitne haiñ ham soḳhta-jabīnoñ se

kisī sutūn se sar phoḌte hue cigarette

kal ik malañg ko kuuḌe ke Dher par lā kar

nashe ne toḌ diyā joḌte hue cigarette

hamāre saañs bhī le kar na bach sake 'afzal'

ye ḳhāk-dān meñ dam toḌte hue cigarette

nahin tha dhyan koi toDte hue cigarette

main tujh ko bhul gaya chhoDte hue cigarette

so yun hua ki pareshaniyon mein pine lage

gham-e-hayat se munh moDte hue cigarette

mushabah kitne hain hum soKHta-jabinon se

kisi sutun se sar phoDte hue cigarette

kal ek malang ko kuDe ke Dher par la kar

nashe ne toD diya joDte hue cigarette

hamare sans bhi le kar na bach sake 'afzal'

ye KHak-dan mein dam toDte hue cigarette