wahshat-e-dil ne kiya hai wo bayaban paida

Haidar Ali Aatish

wahshat-e-dil ne kiya hai wo bayaban paida

Haidar Ali Aatish

MORE BYHaidar Ali Aatish

    vahshat-e-dil ne kiyā hai vo bayābāñ paidā

    saikḌoñ kos nahīñ sūrat-e-insāñ paidā

    sahar-e-vasl karegī shab-e-hijrāñ paidā

    sulb-e-kāfir se hotā hai musalmāñ paidā

    dil ke ā.īne meñ kar jauhar-e-pinhāñ paidā

    dar-o-dīvār se ho sūrat-e-jānāñ paidā

    ḳhaar dāman se ulajhte haiñ bahār aa.ī hai

    chaak karne ko kiyā gul ne garebāñ paidā

    nisbat us dast-e-nigārīñ se nahīñ kuchh is ko

    ye kalā.ī to kare panja-e-marjāñ paidā

    nashsha-e-mai meñ khulī dushmanī-e-dost mujhe

    āb-e-añgūr ne ātish-e-pinhāñ paidā

    baaġh sunsān na kar in ko pakaḌ kar sayyād

    ba.ad muddat hue haiñ murġh-e-ḳhush-ilhāñ paidā

    ab qadam se hai mire ḳhāna-e-zanjīr ābād

    mujh ko vahshat ne kiyā silsila-jumbāñ paidā

    ro ke āñkhoñ se nikālūñ meñ buḳhār-e-dil ko

    kar chuke abr-e-mizha bhī kahīñ bārāñ paidā

    na.ara-zan kunj-e-shahīdāñ meñ ho bulbul tarah

    āb-e-āhan ne kiyā hai ye gulistāñ paidā

    naqsh un na kisī la.al se lab par baiThā

    mere muñh meñ hue the kis liye dandāñ paidā

    ḳhauf nā-fahmī-e-mardum se mujhe aatā hai

    gaav ḳhar hone lage sūrat-e-insāñ paidā

    ruuh tarah se dāḳhil ho jo dīvāna hai

    jism-e-ḳhākī samajh is ko jo ho zindāñ paidā

    be-hijāboñ magar shahr hai aqlīm-e-adam

    dekhtā huuñ jise hotā hai vo uryāñ paidā

    ik gul aisā nahīñ hove na ḳhizāñ jis bahār

    kaun se vaqt huā thā ye gulistāñ paidā

    mojid us hai siyah-rozī hamārī 'ātish'

    ham na hone to na hotī shab-e-hijrāñ paidā

    wahshat-e-dil ne kiya hai wo bayaban paida

    saikDon kos nahin surat-e-insan paida

    sahar-e-wasl karegi shab-e-hijran paida

    sulb-e-kafir hi se hota hai musalman paida

    dil ke aaine mein kar jauhar-e-pinhan paida

    dar-o-diwar se ho surat-e-jaanan paida

    KHar daman se ulajhte hain bahaar aai hai

    chaak karne ko kiya gul ne gareban paida

    nisbat us dast-e-nigarin se nahin kuchh is ko

    ye kalai to kare panja-e-marjaan paida

    nashsha-e-mai mein khuli dushmani-e-dost mujhe

    aab-e-angur ne ki aatish-e-pinhan paida

    bagh sunsan na kar in ko pakaD kar sayyaad

    baad muddat hue hain murgh-e-KHush-ilhan paida

    ab qadam se hai mere KHana-e-zanjir aabaad

    mujh ko wahshat ne kiya silsila-jumban paida

    ro ke aankhon se nikalun mein buKHar-e-dil ko

    kar chuke abr-e-mizha bhi kahin baran paida

    nara-zan kunj-e-shahidan mein ho bulbul ki tarah

    aab-e-ahan ne kiya hai ye gulistan paida

    naqsh un ka na kisi lal se lab par baiTha

    mere munh mein hue the kis liye dandan paida

    KHauf na-fahmi-e-mardum se mujhe aata hai

    gaw KHar hone lage surat-e-insan paida

    ruh ki tarah se daKHil ho jo diwana hai

    jism-e-KHaki samajh is ko jo ho zindan paida

    be-hijabon ka magar shahr hai aqlim-e-adam

    dekhta hun jise hota hai wo uryan paida

    ek gul aisa nahin howe na KHizan jis ki bahaar

    kaun se waqt hua tha ye gulistan paida

    mojid us ki hai siyah-rozi hamari 'atish'

    hum na hone to na hoti shab-e-hijran paida

    Videos
    This video is playing from YouTube

    Videos
    This video is playing from YouTube

    Mehdi Hasan

    Mehdi Hasan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now