wajh-e-qadr-o-qimat-e-dil husn ki tanwir hai

vaj.h-e-qadr-o-qīmat-e-dil husn kī tanvīr hai

varna ik TuuTe hue shīshe kī kyā tauqīr hai

kuchh tabassum zer-e-lab par sharm dāman-gīr hai

uf ye kis aalam meñ khiñchvā.ī huī tasvīr hai

ik nazar dekhā jise mad.hosh-o-be-ḳhud kar diyā

terī kaif-āgīñ nigāhoñ meñ ajab tāsīr hai

kitnī dil-kash haiñ tirī tasvīr kī ra.anā.iyāñ

lekin ai parda-nashīñ tasvīr phir tasvīr hai

phūñk de barq-e-tapāñ merā qafas bhī phūñk de

āshiyāñ kī bhī to ik bigḌī huī tasvīr hai

lan-tarānī kah diyā thā tuur par jis ne 'shakīl'

zarre zarre meñ usī ke husn kī tasvīr hai

wajh-e-qadr-o-qimat-e-dil husn ki tanwir hai

warna ek TuTe hue shishe ki kya tauqir hai

kuchh tabassum zer-e-lab par sharm daman-gir hai

uf ye kis aalam mein khinchwai hui taswir hai

ek nazar dekha jise madhosh-o-be-KHud kar diya

teri kaif-agin nigahon mein ajab tasir hai

kitni dil-kash hain teri taswir ki ranaiyan

lekin ai parda-nashin taswir phir taswir hai

phunk de barq-e-tapan mera qafas bhi phunk de

aashiyan ki bhi to ek bigDi hui taswir hai

lan-tarani kah diya tha tur par jis ne 'shakil'

zarre zarre mein usi ke husn ki taswir hai