aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo raushni hai kahan jis ke baad saya nahin

Farigh Bukhari

wo raushni hai kahan jis ke baad saya nahin

Farigh Bukhari

MORE BYFarigh Bukhari

    vo raushnī hai kahāñ jis ke ba.ad saayā nahīñ

    kisī ne aaj talak ye surāġh paayā nahīñ

    kahāñ se lā.ūñ vo dil jo tirā burā chāhe

    udū-e-jāñ tirā dukh bhī koī parāyā nahīñ

    tirī sabāhat-e-sad-rañg meñ bikhar jā.ūñ

    abhī vo lamha mirī zindagī meñ aayā nahīñ

    tire vajūd pe añgḌā.ī ban ke TuuTā hai

    vo naġhma jo kisī mutrib ne gungunāyā nahīñ

    na.ī-navelī zamīnoñ soñdhī ḳhushbū meñ

    vo chāñdnī hai ki jis meñ koī nahāyā nahīñ

    ham ek fikr ke paikar haiñ ik ḳhayāl ke phuul

    tirā vajūd nahīñ hai to merā saayā nahīñ

    vo baab jis meñ tavānā.iyoñ ḳhushbū hai

    fasāna-sāz ne 'fāriġh' kabhī sunāyā nahīñ

    wo raushni hai kahan jis ke baad saya nahin

    kisi ne aaj talak ye suragh paya nahin

    kahan se laun wo dil jo tera bura chahe

    udu-e-jaan tera dukh bhi koi paraya nahin

    teri sabahat-e-sad-rang mein bikhar jaun

    abhi wo lamha meri zindagi mein aaya nahin

    tere wajud pe angDai ban ke TuTa hai

    wo naghma jo kisi mutrib ne gungunaya nahin

    nai-naweli zaminon ki sondhi KHushbu mein

    wo chandni hai ki jis mein koi nahaya nahin

    hum ek fikr ke paikar hain ek KHayal ke phul

    tera wajud nahin hai to mera saya nahin

    wo bab jis mein tawanaiyon ki KHushbu hai

    fasana-saz ne 'farigh' kabhi sunaya nahin

    Source:

    Beesveen Sadi Ki Behtareen Ishqiya Ghazlen (Pg. 167)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now