wo sabr de ki na de jis ne be-qarar kiya

vo sabr de ki na de jis ne be-qarār kiyā

bas ab tumhīñ pe chalo ham ne inhisār kiyā

tumhārā zikr nahīñ hai tumhārā naam nahīñ

kiyā nasīb kā shikva hazār baar kiyā

subūt hai ye mohabbat kī sāda-lauhī kā

jab us ne va.ada kiyā ham ne e'tibār kiyā

ma.aal ham ne jo dekhā sukūn o jumbish kā

to kuchh samajh ke taḌapnā hī iḳhtiyār kiyā

mire ḳhudā ne mire sab gunāh baḳhsh diye

kisī kā raat ko yuuñ maiñ ne intizār kiyā

wo sabr de ki na de jis ne be-qarar kiya

bas ab tumhin pe chalo hum ne inhisar kiya

tumhaara zikr nahin hai tumhaara nam nahin

kiya nasib ka shikwa hazar bar kiya

subut hai ye mohabbat ki sada-lauhi ka

jab us ne wada kiya hum ne e'tibar kiya

maal hum ne jo dekha sukun o jumbish ka

to kuchh samajh ke taDapna hi iKHtiyar kiya

mere KHuda ne mere sab gunah baKHsh diye

kisi ka raat ko yun main ne intizar kiya