wo zamana hai ki ab kuchh nahin diwane mein
vo zamāna hai ki ab kuchh nahīñ dīvāne meñ
naam letā hai junūñ kā kabhī anjāne meñ
qismat apnī hai ki ham nauhagarī karte hue
kareñ zanjīr-zanī dil ke azā-ḳhāne meñ
kyā hue log purāne jinheñ dekhā bhī nahīñ
ai zamāne hameñ tāḳhīr huī aane meñ
in shikasta dar-o-dīvār kī sūrat ham bhī
bahut āseb-zada hoñge nazar aane meñ
apne ābā.ī makānoñ se palaTte hue ham
kitne nāzāñ haiñ koī din rahe vīrāne meñ
ham to kuchh aur tarah hote the barbād 'atā'
ab to kuchh aur se hālāt haiñ mai-ḳhāne meñ
wo zamana hai ki ab kuchh nahin diwane mein
nam leta hai junun ka kabhi anjaane mein
qismat apni hai ki hum nauhagari karte hue
karen zanjir-zani dil ke aza-KHane mein
kya hue log purane jinhen dekha bhi nahin
ai zamane hamein taKHir hui aane mein
in shikasta dar-o-diwar ki surat hum bhi
bahut aaseb-zada honge nazar aane mein
apne aabai makanon se palaTte hue hum
kitne nazan hain koi din rahe virane mein
hum to kuchh aur tarah hote the barbaad 'ata'
ab to kuchh aur se haalat hain mai-KHane mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
