phir sawan rut ki pawan chali tum yaad aae

phir sāvan rut kī pavan chalī tum yaad aa.e

phir pattoñ kī pāzeb bajī tum yaad aa.e

phir kūñjeñ bolīñ ghaas ke hare samundar meñ

rut aa.ī piile phūloñ kī tum yaad aa.e

phir kaagā bolā ghar ke suune āñgan meñ

phir amrit ras kī buuñd paḌī tum yaad aa.e

pahle to maiñ chīḳh ke royā aur phir hañsne lagā

bādal garjā bijlī chamkī tum yaad aa.e

din bhar to maiñ duniyā ke dhandoñ meñ khoyā rahā

jab dīvāroñ se dhuup Dhalī tum yaad aa.e

phir sawan rut ki pawan chali tum yaad aae

phir patton ki pazeb baji tum yaad aae

phir kunjen bolin ghas ke hare samundar mein

rut aai pile phulon ki tum yaad aae

phir kaga bola ghar ke sune aangan mein

phir amrit ras ki bund paDi tum yaad aae

pahle to main chiKH ke roya aur phir hansne laga

baadal garja bijli chamki tum yaad aae

din bhar to main duniya ke dhandon mein khoya raha

jab diwaron se dhup Dhali tum yaad aae